因酒後駕駛同搞劏房鬧出醜聞嘅發展局局長陳茂波，由原本一位名聲不俗嘅立法會議員，變成死不認錯嘅落難局長，早前仲要面對不信任動議。
入咗政府只有短短四個月，謬波噚日上京前喺機場接受電視台記者訪問，八方見佢幾乎一頭白髮，老咗N年，面容憔悴，木口木面。嗰個昔日喺立法會同記者談笑風生，會為六四默哀嘅陳茂波，俱往矣。