東方表行（398）剛公佈中期業績，實際利潤大跌67%，毛利率亦收窄至18.9%，但股價不跌反升，全因有大行護航。里昂指公司過去兩個月同店銷售增長有復蘇勢頭，故調高未來兩年盈利預測，並維持買入評級。
東方表行過去兩日累升13.5%，反觀同業英皇鐘錶珠寶（887）僅升半成，大有追落後空間。
睇估值，截至6月底止半年，英皇鐘錶賺2.2億銀，按年倒退14%，年度化市盈率13倍，較東方表行的16倍，平近兩成。比息率，英皇鐘錶年度化息率2.3厘，東方表行僅1.4厘，前者多近一厘。
睇圖表，英皇鐘錶近月在0.7至0.9元區間上落，噚日收報0.86元，升4.9%，10日線升穿20日線，形成黃金交叉利好訊號，成交亦配合，後市值得睇高一線。
戰友現價買入，短炒博追番東方表行表現，可見0.93元，潛在升幅8.1%，難度分唔高，相信好快可以達標。
唐牛