【澳門直擊】第55屆亞太影展下月在澳門舉行，找來曾志偉擔任籌委主席及劉嘉玲任評審。當中最佳男主角入圍名單，出爐金馬影帝劉青雲，再次惡鬥台灣男星張孝全，今趟還有《寒戰》的梁家輝加入戰團。令人稍失望的是杜琪峯未能再憑《奪命金》角逐導演獎。
劉嘉玲及曾志偉昨日出席在澳門舉行的第55屆亞太影展記者會，頒獎禮將於下月15日在威尼斯人酒店舉行。志偉為今屆亞太影展的籌委主席，他特意找來嘉玲出任評審委員之一，志偉公佈入圍名單外，同時宣佈成龍主演的電影《十二生肖》成為開幕電影。
志偉戥青雲心噏
在台上嘉玲笑言考慮了足足一個月才答應志偉的邀請：「因為唔知自己可唔可以勝任，自己參選都想公平，而且過程好艱巨，要睇50幾部戲。」稍後志偉接受訪問時直言看好青雲及家輝：「我同青雲講佢成日都遇到啲強對手，至於點解郭富城冇提名，我諗你要問番其他國家嘅籌委同提名人。」對於志偉的預測，嘉玲笑言不應該出自主席之口，她說：「唔可以㗎，佢唔可以評論，不過我睇完《寒戰》都忍唔住打電話畀家輝讚佢，好在今次冇梁朝偉份。」
「王家衛一向係咁」
問嘉玲王家衛執導的《一代宗師》映期一改再改，明年1月8日才上映，她亦有點無奈說：「家都唔敢講幾時拍完同仲有幾多日，不過應該都係拍到最後階段，不過王家衛一向都係咁，佢都係為部戲好啫。」
此外，入圍名單（見附表）顯示最佳男主角的角逐最為激烈，除了有今屆金馬獎兩大熱門劉青雲及台灣男星張孝全外，還加入志偉及嘉玲大讚的梁家輝，反而剛獲金馬最佳導演的杜琪峯榜上無名。
採訪：文國駿
攝影：陳俊強
