關於僭建，觀眾睇住特首台戲死跟，有樣學樣：
一、我冇僭建，只是唔記得。如果我記得，點止做特首，直情做到習總。
二、我唔知什麼是僭建，我跟足專業人士，邊位專業人士？就係特首咯。
三、我僭建，但我記得我冇死賴，質素高過狼豬。咁，點解我冇得做或者選特首？
四、香港沒有輸出僭建？不折騰！你們是不是中國人？
五、別說笑了，成個香港已經被西環僭建，屋宇署職權，早已被中拆組取替。
六、僭建普通話怎麼唸？內地豪客未驚過，齊心僭香港，不撤木花棚，好不好？
七、有錢人中意僭，大大小小，僭佈香港，這是咱們的九龍塘style交叉山頂style，遲早唱紅，熱爆YouTube。
八、僭建爆煲只需BMW，僭僭蜜蜜，賴晒honey，寡佬高官點算？快去平機會投訴。
九、有舖僭建癮，花棚後自自然然就輪到衣櫃。Come on，抹乾你的汗好了梁先生，從阿媽紮腳穿膠花開始，開誠布公。