距離聖誕唔夠一個月，菲菲一到12月例必變身Party Animal。個人認為，聖誕係要同一大班朋友過先算開心。
美國有公司向當地逾千名高層進行調查，有52%受訪者表示，公司今年唔會搞聖誕Party。報告指公司冇Party多數因一個「慳」字。嗱，公司聯誼活動可促進同事交流，建立默契，更可增加員工歸屬感，從而提升整體效率。人力資源管理角度睇，掟少少錢搞Party，某程度上算係一種投資。
不過，菲菲唔多鍾意Party例玩嘅「交換禮物」遊戲。試問大家歷年來抽過幾多份人哋Hea買嘅禮物？而禮物下場多數係長埋櫃底？用又唔係，掉又浪費。與其係咁，今年不如試玩「交換廢物」，大家講明唔買禮物，改將櫃底「雞肋」交換。
菲菲上年玩過，極度刺激，而且部份「廢物」搵到新主人後，終於唔使再住櫃底，環保又慳錢。
Fifi
本欄逢周二、四刊出