恬妞心急掃貨

恬妞心急掃貨

【銅鑼灣】天氣轉凉又係女士出動買嘢換季嘅時候,前日恬妞就出動掃貨,5點鐘左右佢攞住袋戰利品喺銅鑼灣出現,跟手就行咗去一間cafe。原來打扮中性嘅囡囡一早就喺度等緊媽咪,恬妞一去到就攞起枱面支水斟咗杯水畀個女,之後自己就成樽飲。坐咗15分鐘傾偈兩母女就埋單走人,恬妞仲遞隻錶畀個女睇,似乎好趕時間,原來佢哋急住行過對面嘅一間名店,以為佢哋繼續shopping,原來係返去攞番之前買落嘅5袋戰利品。
採訪、攝影:梁繼光