隔牆有耳：
泡藝大師教路　吹泡泡須練風向感 - 李八方

有「台灣第一泡藝大師」之稱嘅蘇仲太，噚日首次嚟到香港。蘇仲太喺今年四月創下吹出15層泡中泡嘅健力士世界紀錄。噚日佢喺海港城，就即場將「最多泡泡吹入一個大泡泡內」嘅健力士世界紀錄，由152增至155個。

此外，蘇仲太仲喺音樂嘅配襯下，將泡泡吹出唔同形態，包括千層泡、泡泡龍、可將人包圍的超大肥皂泡等等。蘇仲太仲可以伸手將小泡泡，放入大泡泡，但大小肥皂泡都一樣絲毫無損。
表演後佢仲教路，做肥皂泡專家必須成為「捕風高手」，因為要對風向改變非常敏感，喺合適嘅時間移動，如果唔係肥皂泡就會好容易爆㗎喇。