譚詠麟（阿倫）一向侍母至孝，前晚他設宴為譚媽媽慶祝大壽，除了鍾鎮濤和彭健新出席外，當然少不了曾志偉，但志偉豪飲後醉到不省人事，眾男打橫抬他離場，阿倫笑他似做結紮手術。
譚詠麟近月經常四圍飛工作，不過前晚他返港為媽媽慶祝生日。阿倫一向愛玩微博，前晚他將媽咪壽宴的靚相貼出來，當中出席的除了阿倫和家人包括幾位胞姊及姊夫外，又有狄波拉和鬍鬚Kong、溫拿隊友鍾鎮濤、彭健新及葉智強，但相中未見阿倫的紅顏知己Wendy及乖仔曉風。
阿倫笑似結紮
當晚跟阿倫合稱為「福祿壽」的曾志偉和陳百祥（阿叻）也有出席，有「福祿壽」向譚媽媽祝壽，難怪令她笑逐顏開。眾所周知，志偉豪飲飲醉後必會不省人事，當晚也一樣，阿倫和阿叻趁機整蠱他，把壽包放在已昏睡的志偉頭頂，阿叻更抵死地把兩個包放在他胸前扮成胸前兩點，阿倫即時影相取笑老友說：「曾志偉話好耐冇同我喝酒，但…結果只有一個！連殼秤。」志偉被老友玩飽後，再由四名猛男把他抬出去，阿倫再留言笑他：「看似將會進行家庭計劃：小小結紮手術。」
此外，本報昨日獨家報道葉玉卿復出拍賀歲片，跟阿倫做一對，昨日卿卿接受商台訪問說：「志偉講個古仔我聽，我未拍過賀歲片，同阿倫又未合作過，仲話兩個星期搞掂，咁咪應承。」她又說媽咪年紀大，故想多點時間留港陪她。
撰文：丁寧
