美職聯最鍾意搞花臣，雖然美職總決賽銀河對戴拿模周六先開打，但就率先公佈最佳11人，銀河孖寶當路雲、羅比堅尼，同紅牛前鋒亨利呢啲大牌順利入選，唔知係唔係離隊在即，銀河嘅碧咸竟然落選。講開亨利，佢老人家已返咗阿仙奴跟操，英國傳媒報道，阿仙奴明年1月料放走查馬克、艾沙維等前鋒，亨利有望第二度外借返廠。