香港嘅改圖工業，創意同速度絕對拍得住電影行業。《寒戰》最近大熱，網民林忌就快快手將套戲嘅海報改圖，三兩下手勢就炮製咗張海報叫《行騙》。呢套「新戲」卡士好強勁㗎，領銜主演係狼振英、謬波局長、麥齊光、禿鷹同林鄭。宣傳字眼都抵死，學足《寒戰》個宣傳話：「他們說，香港是最有法治的城市，直至 ──特首選舉攻擊對手僭建，嚴查唐不查梁任人封牆」，話要帶出呢件知法犯法選擇性去檢控， 可能係香港歷史上最真實嘅行騙故事。呢套「新戲」唔使入戲院睇，日日打開電視、報紙就睇到，不過好多人同八方一樣，都冇眼睇。