中國燃氣（384）股權爭奪戰結束，董事總經理劉明輝亦強勢回歸！話說劉明輝2010年底被深圳市公安局拘留，今年7月先獲深圳檢察院撤銷「職務侵佔罪」指控，隨即返中燃，9月重掌帥印，恢復董事總經理一職。
中燃今日公佈中期業績，劉總決定出來主持業績會，講番句「我返來喇」。
南韓股東科水狂賀
劉總上次公開見傳媒係2010年7月，當時公司剛收購液化石油氣項目，佢大談發展計劃，點知過幾個月就俾公安拉咗，之後又俾中石化（386）同新奧能源（2688）睇中，企圖聯手收購，爭奪戰早排先至平息。
唔知係咪對劉總好有信心，聯交所資料顯示，中燃嘅南韓股東SK集團，上周三攞3700萬元增持中燃，持股量升到15.12%。