「Tree根」鍾樹根（圖）早前玩fb一日三錯，喺立法會又講錯「子『烏』虛有」，淪為笑柄。呢嚿雲噚日出席立會講柴灣車禍嘅特別會議，議政能力突然提升，金句連連狠批新巴剝削司機，「一間工廠剝削工人，係嗰個工人受害；巴士公司剝削車長，係所有乘客同路面使用者受害」。
Tree根表現獲工會代表大叫講得好，佢之後仲「上晒身」舉手鬧爆張炳良推卸責任。據聞Tree根嘅大哥做過巴士司機，每個月賺八千蚊養唔起家，焗住加班揸足11個鐘，難怪Tree根要為兄請命。