早前亞太區手提電話使用調查顯示，使用最多智能手機的地區，第一是新加坡，其次是韓國，第三才是香港，日本智能手機用戶只佔手機用戶群中26%。報告亦反映越發達的地方，Android和iPhone壟斷情況越嚴重。
放眼香港，大家唔用蘋果就係三叔（Samsung），香港人固然有錢，這是否代表兩者好到無可取代？非也。Samantha認為只是羊群心理作祟，社交圈子最忌冇話題，就算iPhone5有幾食電、個新插頭幾麻煩，你都心甘情願畀錢。係囉，就算幾唔好用都大把人陪我，一齊呻都好！
紅極一時的黑莓，當年開會喪text不亦樂乎，近日出差時與菲律賓行家討論智能手機，原來佢仲用緊黑莓，因鍾意chat方便打字喎！BlackBerry10明年2月上市，上周股價漲幅驚人。目前多家已測試使用的電訊商反應正面，寄望BlackBerry做好牧羊狗角色，令羊群走向自己。
Samantha
本欄逢周一、三、五刊出