昨天談到中電（002），老友Peter電郵話唔升無所謂，好過擺喺銀行蝕息。要說潛在升值原因中電也有，在利潤保證協議下，中電是隻政策股，美林報告有寫，電量銷量不足，本來輕微低過核准回報的目標，但因政府兩次派電費，令電力銷售分別升9%及7.7%。
或者可以說，中電要賺多啲，要睇政府有幾廢。現時高官幾乎人人僭建，救火都嚟唔切，可以預期明年派電費會是施政報告或財政預算的熱門項目。另外，明年為利潤保證協議的中期檢討，中電玩這個遊戲幾十年，環境局熟路兼跟兩電關係密切的做副手，坐正的反而似個新手，會否有人刻意益中電，製造個別局長無能的民意乘勢上位？無論如何，我買中電贏。
推介至今升逾九成
昨天野村推介安東油田服務（3337），即日升0.7%報2.94元。報告指安東公佈獲中石油新定單，野村估可貢獻1.25億元人民幣收入。雖然頁岩氣在2015年前，只會佔安東銷售佔小部份，但相信股價仍會受惠於相關的新聞。野村亦相信未來數月安東可發盈喜，故維持買入評級，目標價由1.84元調高至3.28元。
該分析員過去多次推介安東，合共有3個目標價，頭兩個已經到價，推介至今升逾九成，若只計買入訊號，等同連開8舖大，本欄宣判：跟！
高明
http://www.facebook.com/AppleKoming