年尾又係會計師公會理事會重選理事嘅時間，選期今日至12月11號，13人爭7個位，其中有6位現任理事尋求連任，咁啱公會最近打算明年調高年費、考試費等，唔知有冇參選人利用呢個議題來爭取選票呢？
頂上德勤拍檔位置
會計師公會理事會共有14位理事，其中一半要重選，前會長兼德勤合夥人蔡永忠今年唔玩，但就搵咗同事唐業銓（Eric）出來選，Eric亦係德勤合夥人，9月先俾雜誌影到佢到藝人葉翠翠喺金鐘某間五星級酒店撐枱腳。
聽聞Eric已婚，佢同翠翠約會揚咗已經唔止一次。講到選理事，佢有咁大間會計師行支持，要頂上蔡永忠嘅理事位應該冇乜難度。有3.5萬名會員嘅會計師公會，呢個星期六就會舉行選舉論壇，公會加費咁切身嘅問題，實會有人攞出來討論。