英超曼聯已故名宿佐治貝斯曾經講過，自己用盡一生積蓄花天酒地，一毫子都冇留低，但意甲球星迪拿達利則有錢剩都唔買法拉利，反而攞去買債救國。愛國原來有回報，佢舊年買入嘅國債一年回報有26%，真係富貴逼人來。
響應買國債 一年賺三成
舊年11月28日係意大利「債券日」，意甲烏甸尼斯射手迪拿達利、意大利球員協會主席湯馬斯，仲有另外8萬幾人齊齊響應買債行動。查實意國國債舊年冇人敢掂，事關十年國債孳息衝上歷史高位7.48厘，時至今日，債息先至回落至4.75厘，令債券價格大升近三成，造就迪拿達利同湯馬斯無端端發財。