自從狼英上場之後，真係創造咗唔少就業機會，繼中策組邵善波大舉招聘高、中、低級研究員後，狼英為聲稱要處理樓價高呢個棘手問題，就畀運輸及房屋局破天荒開咗個月薪高達4萬至5.5萬蚊嘅房屋事務研究主任，呢份職位絕對係樓價高嘅最佳產物，當局仲話由於局內並無呢類人才，所以要公開招聘。
呢份係筍工嚟㗎，因為呢個職位負責嘅職責，唔少都係AO政務主任嘅職務，包括研究、分析房屋地產事務、舉辦社區活動同講座，唔使特別專業資格。如果你係大學畢業兼有五年工作經驗嘅地產經紀，因為辣招開唔到單，不妨投靠政府。截止日期喺本月底。