昨與戰友討論後市睇法，出現近月最參差的結果，睇好與睇淡旗鼓相當。睇好的認為昨日只是技術調整，以上周挾倉的勁度可知好友已控制戰局，「連曹Sir都確認牛三快到，睇好可漲萬點，差極有限啦！」
不過，睇淡的就話上周都係因為美股感恩節假期，好友趁市靜先得手，成交唔配合，加埋A股積弱，「真係醫番都嘥藥費！」他們認為在年底前，港股都會吽吓吽吓，冇乜大作為。
魏力就認為，近月市況升勢已成，主因係資金（無限QE）及投資者心理（憧憬中國經濟復蘇）都配合，現時這兩個因素有否改變？暫時應該沒有。因此中線魏力是睇好的，但當市場太亢奮，報紙大題係「二萬二垂手可得」、「港股GoGoGo」之類，見到呢類題就要小心，隨時震倉。
市場主調仍是炒作復蘇概念股，金蝶國際（268）昨早9點，就有一批600萬股的交叉盤成交，均價1.565元，涉資近千萬銀，為近期罕見，再配合走勢睇，現時買入值博率甚高。金蝶橫行近兩個月，加上9RSI突破降軌，MACD亦重現雙牛，整日成交活躍達2958萬元，為大半個月新高，埋單漲4.5%，報1.63元，隨時係開車前奏，短線先睇兩蚊。
魏力
http://www.facebook.com/2012jason