今年港產片不可不提《寒戰》，講警隊內外受敵的故事，日劇迷應不陌生，幾年前篠原涼子和瑛太主演的《Unfair》，後來改編成電影，講的是警隊內戰，角色不是非忠即奸，沒有彭于晏這些角色，更加寫實。
值得鼓掌的是《寒戰》兩位新晉編導能將觀眾呃到最後，但橋段鋪得太盡，令劇情對白欠細緻，政府架構表都唔望，難怪葉劉都忍唔住捉錯處。當中笑位包括保安局局長劉華和楊采妮見記者一幕，當PPRB要撈埋保安局，要顧兩頭住家睇怕要打地舖先得，抵打！
秘撈唔只楊采妮，劉華連金管局都做埋，如果唔係解釋唔到恐襲同「國際金融中心」有乜關係，對於職場中人，最深刻個句可算是「你老細，心腸歹毒」，即時博得全場掌聲。有台灣雜誌做過調查，八成受訪者怨恨老闆指數超過3分（滿分為5分），實情可能同日劇一樣，老闆也不是非忠即奸，港人，寬容點吧！
Samantha
本欄逢周一、三、五刊出