上屆帶領車路士歷史性贏得歐聯冠軍嘅迪馬堤奧，上周收到大老闆油王大信封，即時執包袱走人，死因係唔肯派油王愛將費托落場。照咁睇，北大人器量就好得多，不是嗎？狼英組閣用自己友但廢到冇朋友，特膠政府輸晒公信力；遏樓價變推高樓價，僭建醜聞用大話冚大話，但狼英地位依然穩如泰山，香港人只能自求多福。
近排唔少業績股走勢凌厲，戰友不妨響呢方面埋手。今日推介嘅半新股豪特保健（6880）周三公佈業績，呢間主打按摩椅嘅公司，上市僅3個月即發盈警，主要因為產品需求遜預期及競爭加劇，拖累股價拾級而下。現價0.61元，較招股價1.58元大幅潛水61%，投資價值卻因此浮現，現時集團手頭淨現金2.07億銀，較市值1.95億銀仲要高，即業務及資產全數免費，認真超值，近期股價衝高後回落，成交卻明顯增加，似係有心人壓價，周三公佈業績，唔排除好戲在後頭，戰友不妨留意吓。
唐牛