長毛同八方講，呢排諗番起佢2010年時曾經自訂個車牌叫做「CYUSH0」，直譯係「CY, You Asshole」，但最終長毛當日遲到錯過競投，雖然對方當年願意原價讓出，但最後長毛冇攞番；家吓眼見全城反對大話英嘅情緒高漲，所以希望「尋人」，搵番個車牌主人，希望佢為港人福祉着想，讓番個「asshole牌」畀佢。
當年長毛以1.7萬元投得「D0NALDPK」車牌，直譯即係「當奴，仆街」，但家吓全城敵人已經由煲呔變咗大話英，所以佢希望可以更換車牌。至於「D0NALDPK」呢個車牌點處置？佢話，如果煲呔想攞番嘅話，佢唔介意送畀煲呔。
長毛呢排仲轉咗款新卡片，上面畫咗佢大力踢大話英屁股，大話英身旁仲有瑟縮一角嘅前特首董建華同曾蔭權。