【惺惺相惜】
08年下旬加盟中銀香港（2388）的陳少平，與前老闆花旗香港一哥陳子政（現為東亞銀行（023）高級顧問）一樣，都是由美資行過渡至中資大行。在陳少平眼中，「同T.C（陳子政簡稱）關係亦師亦友，佢係我mentor（啟導者），亦係伯樂」。
他記得，94年聯儲局連續七次加息，引發環球債市崩潰，多人損手，市場風聲鶴唳，陳子政從東京被調回港，主管花旗香港財資交易室，自始兩人直接開展上司下屬關係，其後陳子政更成為香港區行長。
最欣賞這位伯樂甚麼？他認為陳子政有大將之風，運籌帷幄，管理哲學好，深諳用人唯才，只要同事「做啱嘢」，佢會「撐下屬」，有理據的話，「佢可以接受到損益賬一時嘅波動」。
廚藝媲美五星食府
不僅財技閱歷上對陳子政表示欽佩，廚藝功架陳少平自言更是望塵莫及，「T.C可以煮幾十人嘅菜式」，縱橫中西日美食，自行選料設計配搭，水平媲美五星食府，一頓飯十道八道菜，視作等閒。
現時一批花旗舊同事仍然情誼不減，每隔一兩個月便聚集在陳子政位於清水灣的大宅，飽嚐他親手泡製的佳餚。