【電視風雲】
【本報訊】電視廣播有限公司（簡稱TVB或無綫）高調對發新免費電視牌照say no，為的只是要保持其近乎獨市的經營環境，目前黃金時段要在翡翠台落廣告每秒近萬元，客戶仍然「搶住落」，但實際是別無他選，「焗住落」才是真正原因，不論中小企還是上市大財團都齊對發牌say yes！
記者：石永樂 吳永強
無論有多少新廣告平台出現，廣告商仍相信電視廣告最能吸引觀眾眼球，造成TVB在過去九年的免費電視廣告業務盈利狂升1.54倍。過去TVB的廣告費幾乎有增無減，過去兩年的廣告費升幅介乎5%至25%，遠遠跑贏通脹。參考無綫今年廣告價目表，周一至周五黃金時段（即傍晚6:55至晚上10:55）的每30秒廣告的面價由10萬至60多萬元不等，若以業內慣例給予四折優惠，廣告費用亦要由4萬元起錶，最高價更可去到25萬元，意味無綫每秒鐘最多可「穩袋」逾8,000元。
「佢要加價都冇符」
上市公司專業旅運市場及業務發展總經理劉美詩不諱言TVB的廣告費貴，「但冇計，佢有收視，有觀眾」。劉美詩認為有新的電視廣告平台肯定是好事，「唔使側重一個台，價錢都會平啲……多啲競爭，多啲好節目，吸引多啲人睇，廣告先有作用」。
香港廣告客戶協會主席何偉榮認為，現時無綫在收視率方面明顯是一台獨大，廣告商要接觸大眾市場確實別無他選。他表示，屬下會員多傾向支持政府發放更多的免費電視牌照，「家得一個台，我哋冇乜議價能力，佢（無綫）要加價都冇符！我好多時同啲會員傾開，大家嘅取向都係支持（發牌），希望廣告費用有調整空間」。
珠寶零售商謝瑞麟，闊別15年近日再推出新的電視廣告，揀的都是TVB，公司首席營運總監陳立業表示，無論作為廣告客戶還是消費者，他都支持有多一個免費電視台，好讓市民有更多選擇：「當然家廣告費唔係平，但就算撇開呢個因素，有時我哋想將廣告落多一個channel，都無嘢可以畀你揀，根本（免費電視）就只得一個選擇。」
上市公司如此，中小企更不用說，無綫宣傳易廣告客戶之一的好月子陪月總監嚴美艷表示，「希望有多啲電視頻道，可以提供多啲唔同嘅節目及資訊，唔使被無綫set死咩時段播劇集，咩時段播乜嘢，咁我哋做marketing planning（市場營銷計劃）都會靈活好多。」
本地廣告開支分佈
電視︰35.07%
報紙︰30.68%
雜誌︰14.02%
電台︰3.89%
其他︰16.34%
資料來源：admanGO（由2010年1月至2012年10月）