【記者放蛇】
《蘋果》記者放蛇，不但被游說入會，更聞說可以「無啦啦多咗錢」，有人言之鑿鑿說大馬拿督也大手購入，甚至說該公司課程的伺服器勁到媲美facebook及Yahoo！。
記者到尖東新文華中心商場的Qutemart店舖，表示對CKB168課程有興趣，一名職員即建議記者入會，並交由一位劉女士講解。劉勸記者介紹人參與：「帶佢（朋友）嚟聽（說明會）都得，唔使你sell（推銷），對方決定買，你都有佣」，更稱一個介紹一個，電子錢包就「無啦啦多咗錢」，又說：「後年我哋上市，會有換股權，好似內部認購咁。」
其間她手機響起，她突提高聲線講電話：「（某會員）係咁帶啲人嚟入單，佢哋好犀利，一百萬一百萬咁入，買一百個課程。」收線後，她說馬來西亞拿督也大批購買課程。劉約記者到尖沙嘴新東海商業中心的CKB168辦公室詳談，姓許女職員戴着口罩講解，劉在旁和應。
「伺服器大到facebook咁」
「點樣長期有隻金雞生金蛋？」她們強調「畀心機去介紹人」，收入可達一億美元；「唔係淨係畀咗個課程你就算，其實有一個好完整嘅投資plan（計劃）畀你run（運作）」。當記者問課程的上網問題時，許說：「個server（伺服器）大到facebook同Yahoo！咁。」
《蘋果》記者