牙買加飛人保特（圖），日前去咗國際田徑總會喺西班牙巴塞隆拿嘅年度頒獎禮，仲獲頒年度最佳男運動員；至於最佳女運動員就由美國女跑手費妮絲獲得。保特呢位百米跑世界紀錄保持者，出名識撈「粉絲」，26歲嘅佢見自己喺巴塞隆拿，就懶係醒咁話係巴塞球王美斯嘅超級fans。當地球迷聽到梗係會開心啦，但係贊助商未必會囉。