升班馬修咸頓今季於主場作賽常先入波，故周日於英超迎戰紐卡素，捧他們先取得「第一隊入球」。 （球賽編號：星期日21；有線202及302台11:00pm直播）
修咸頓開「咧」至今於12場聯賽，取得2勝2和8負，表現確是麻麻；但是，他們於主場聖瑪莉球場出賽，卻有不俗演出，連同盃賽取得2勝2和3負，而且曾4次先破對手大門，當中包括負曼聯2:3這場聯賽。
紐記贏質素難輸
要留意，紐卡素於今季聯賽常先失波，共7次被對手先開紀錄；加上今仗有中堅高洛仙尼、中場卡比耶及賓艾化分因停賽及受傷缺陣，中後場實力受損，故修咸頓有望偷雞。修咸頓「第一隊入球」有1.72倍，值捧！
雖然睇中修咸頓可先攻破紐卡素，但不認為他們可全取3分。紐卡素對上兩場聯賽輸晒，近況確是頗差，但他們有史提芬泰萊及丹巴巴亞等好手壓陣，實力始終在主隊修咸頓之上。
更何況，今季紐卡素於客場聯賽表現硬淨，5戰4和1負，故今訪於攻守方面（入18球失30球）未能取得平衡的修咸頓，有力取得分數，一於捧受讓平/半的紐卡素下盤。
文：青蛙仔