【本報訊】梁振英誠信破產，昨日逃得過友好婦女團體的質問，卻逃不過年輕人的良心鄙視。在一個青年論壇上，有讀測量課程的大專生朱錕勇，借屋宇署只管打擊有僭建的年老業主、卻放生高官名人，狙擊大話特首，表明不相信有測量專業資格的梁振英，「幅圖冇嘅嘢，你加咗就係僭建，畀張圖我都識睇」。
記者：倪清江 譚靜雯 麥志榮
梁振英昨午先出席由香港各界婦女聯合協進會舉行的交流會，席間無人問及梁振英的僭建醜聞。之後他到柴灣青年廣場，出席民政事務局及青年事務委員會合辦的《青年高峰會議2012》，與數百名中學和大專生對話；有示威者在青年廣場外促梁振英下台，被保安阻隔。梁到場及離去時，鬼祟經停車場離去，避開示威者。
批評屋宇署執法不公
獲安排上台與特首對話的學生，無問僭建問題，直至台下第七名被抽中提問的學生，才狙擊僭建問題。在專業教育學院修讀測量高級文憑課程的朱錕勇，批評處理僭建的屋宇署執法不公，對富豪、高官的僭建坐視不理，暗批屋宇署放生梁振英，「淨係檢控一啲舊樓嘅公公婆婆、老弱婦孺，冇錢就俾人告；特首你點樣令到社會更加公平公正，唔會令富豪、高官有特權？」
梁振英反駁，指屋宇署有既定政策，會優先處理涉及高官名人的僭建；他又重申，自己99年購入山頂豪宅曾聘專業人士就大宅六、七處需要加建或改建的地方入圖則，僅承認漏報，「漏咗一啲要報嘅嘢係我疏忽，應該遵守建築物條例。」
朱錕勇在青年論壇後表示，梁是資深測量師，應知道僭建嚴重性；他認為不論是哪個專業的測量師，都會懂得辨識僭建，「好簡單，幅圖冇嘅嘢，你加咗就係僭建，畀張圖我都識睇，好簡單。梁振英咁資深，話唔識睇，一定冇可能。」
沒被抽中發問的年輕人，對梁振英亦滿是怨憤。大專生吳嘉寶重提特首選舉時，梁斥責唐英年有僭建，「唇槍舌劍去講人哋有僭建，但其身不正，唐英年應出嚟講嘢，唔好畀佢威晒。」土瓜灣英中學生鄺同學表示，如果當時知道梁也有僭建，她會支持唐，「佢講嘅大話，冇梁咁多。一個人嘅誠信破產，要對佢重新審視。」
恒生管理學院新聞系學生羅小姐說，「好多香港人都知潛在嘅真實，只係CY（梁振英）自己唔講出嚟。作為一個有膊頭、有腰骨嘅男人，對自己屋企（間隔）應有少少概念；兼且佢話唔係自己專業嘅測量師，但佢有人脈關係，識其他界別測量師，會唔會大家交流吓意見呢？會唔會知犯咗法呢？」
「市民唔係咁易妥協」
羅小姐認為港人須表態，「要畀佢知香港市民唔係咁易妥協，俾佢政治手腕呃到，應該追查到底，畀番姿態佢睇。唔係以為登上香港之長，可以一手遮天，淨係同阿爺關係OK，完全唔理我哋感受，要畀番少少面我哋香港市民。」至於梁應否繼續做特首，她無奈地說：「選嘅唔係我，講適唔適合係個小圈子。」
梁振英「孖屋」10大僭建
5號屋：
‧車位盡頭高2.08米、長3.15米、深0.94米儲物櫃
‧車位上蓋
‧車位下200呎空間
‧金屬玻璃棚
4號屋：
‧地下低層原有儲物室僭建約200呎
‧地下低層部份儲物室改成淋浴室和桑拿房
‧地下庭園（yard）改建成客廁
‧地下低層客房外的40平方呎搭建物
‧主人房露台電動帆布篷
‧木葡萄支架
資料來源：梁振英聲明
學生齊轟冇誠信
劉同學（中六學生）：
「冇誠信，市民點信佢呢？特首言行舉止係模範，但家時機已過，（書面解釋）冇乜作用。」
高俊浩（中五學生）：
「無可否認佢掩飾得好叻，當時冇俾人拆穿；佢應及早交代，家冇誠信可言。」
鄺同學（中五學生）：
「佢來來去去用一個大話冚一個大話，好識講嘢，到呢樣穿咗，又搵第二個大話去冚呢件事。」
覃小姐（廣州暨南大學學生）：
「喺廣州都有睇到香港新聞，覺得唐英年有少少唔抵，市民對梁振英信任多少有影響。」
