【大難不死】
「10年都唔返嚟一次，一返嚟就捱一刀」，與兄嫂齊齊中刀受傷的劉玉琴，千里迢迢從中美洲島國千里達回港，前天到兄長家慶祝姪兒從英倫歸來，豈料在走廊遭狂徒劈頭斬面追殺，雖然逃過一死，但餘悸未消，直言：「家仲驚緊。」
琴姐自結婚後隨夫移民千里達，日前返港探親，順道到瑞滿樓探望兄嫂，並陪嫂嫂落樓買餸，回來即遭襲擊，「過程好快，都唔知發生乜事，我頭部中咗一刀，慌慌張張走咗落樓」。至於郭婦昨天得知疑兇被捕，半信半疑地問：「吓，係咪嗰個㗎？」並指疑兇雖住在對面單位，但並不相熟。
開門救助郭婦的鄰居顏先生，據其好友徐先生指，當時顏氏夫婦與幼子在家，郭婦中刀後狂拍對面鄰居無果，然後向顏家拍門求救，顏從門眼赫見她滿身披血，連忙開門讓她入內，坐在凳上痛苦呻吟，只見她右手手掌被劏開，右後腦刀痕五吋長，削開一塊頭皮連頭髮「吊吓吊吓」，鮮血涔涔流下。徐表示，顏氏夫婦嚇破膽，不知所措，反而幼子指揮若定，立即報警和替事主止血。
《蘋果》記者