【本報訊】「我做到喇！」成功用七個月由德國踩單車回港的李明熙，昨晨抵港一刻不禁興奮歡呼。雖然要與小貓女「蛋撻」暫別4個月，仍無阻其喜悅心情，明熙昨晚終於返到家中，與家人親友團聚，媽媽更煮了他最愛的魷魚蒸肉餅慰勞。
闊別香港太久，明熙昨晨在深圳福田口岸過關前，心情既緊張又期待。雖然下着毛毛雨，但眼看着家就在40公里以外的荃灣，他硬着頭皮冒雨輕拍貓籠出發：「蛋撻，乖啊，就到喇！」
與貓女暫別四個月
踩過落馬洲關口一刻，明熙忍不住高呼：「我做到喇！」此時，來接走其戰友小貓女蛋撻的漁護署人員，亦備好貓籠等候，「我最擔心隻貓，唔知佢住喺漁護署慣唔慣」。說罷便將蛋撻一抱入懷吻別，並脫下戰衣裹着牠，讓牠嗅到自己的氣味，深怕貓貓四個月後將他遺忘。
甫出關，10多名單車發燒友早已在場迎接，伴他沿青山公路踩到荃灣。「之前每次過關都係去一個新地方，但今次真係有家嘅感覺」，為迎接這個新開始，他脫掉穿了七個月的爛鞋，換上在廣州買的新鞋，縛起頭巾、插上香港區旗，偕車隊浩浩蕩蕩回家，其間更不斷有單車友加入，令車隊增至20多人。
媽媽煮七道菜迎接
「我七個月前已經期待呢一日，真係好想返屋企食飯」，歸途上，明熙滿腦子都是母親的撚手小菜。另一邊廂，李母前天與愛兒遊深圳後漏夜回港，昨早到街市買餸，煮出七大家常菜等愛兒享用，「阿熙最鍾意成屋都係魷魚蒸肉餅陣味，佢聞到就知返到屋企」。
「我返嚟喇！」明熙昨晚甫入屋便高呼，然後急急冲凉換衫，不料七個月的牛仔褲竟鬆得掉下來，看得媽媽也心痛，向來寡言的父親則滿懷安慰說：「安全就得啦！」眾親友就在一屋瀰漫着魷魚蒸肉餅「幸福味道」下，歡聚暢談。