【管理之道】
由於日本文化關係，外界普遍認為，外地人要在老牌日本公司工作，職位「升極有限」，但項明生成功的經驗告訴大家：「Nothing is impossible」。他又表示，SONY已從傳統的日資公司進化為國際化公司，對外地人亦能抱知人善用的心態。
日本人願放權給外人
「SONY係比較國際化嘅日本公司，SONY本身個名已經係意大利文同拉丁文。」被問到在日本公司工作經驗，項明生第一句就如此解釋。
不過，日本的工作文化比較傳統，外界亦難以相信日本人夠膽放權給外地人做事。項明生便繼續說：「令我最深感受嘅係，每次開會，佢哋日本人同日本人溝通，為咗遷就其他同事，都會特登講英文，等大家交流嗰時唔會有障礙。」
項明生又指出，在公司開會時遇到問題會據理力爭，例如早前曾經想做SONY專用的信用卡，雖然最終失敗，但其後就爭取在PSN網上購物平台開放予銀聯使用，打破VISA及MasterCard壟斷的局面，「其實公司都好重視香港同大陸市場，好似每季一次嘅大會，竟然第三季由日本搬到嚟香港開會，公司文化係幾開放同國際化嘅。」