喺周四拉素迎熱刺嘅歐霸盃分組賽度，曾效力過兩隊嘅前英格蘭球星加斯居尼都係座上客，佢同拉素會長洛迪圖喺奧林匹高球場一齊亮相，之後仲繞場一周，接受球迷嘅歡呼同致意。不過，由於加斯居尼長年飲酒嘅關係，加上之前又試過吸毒同埋精神有問題等，所以成個人瘦骨嶙峋，同以前肥仔嘜嘅形象好唔同。