【本報訊】踩完1.4萬公里歸家路的單車港男李明熙，今晨經落馬洲返港，李母昨天已急不及待到深圳與愛兒會面，分享他的喜悅。慈母見明熙安全無恙，二人相擁而泣，「我擔心到白髮都出晒嚟，你唔好再走，再走就收起你個護照」，鳥倦知還的明熙承諾回家後會不再流浪，好好孝順父母。
記者：關震海 張 軍
李明熙從德國踏單車到深圳，他的母親牽腸掛肚足足等了210天。愛兒今天返港，但李母等不及了，昨天就趕到深圳，捉緊每分每秒。「阿媽十年都冇嚟大陸，都唔知佢識唔識嚟」，母子約好12時30分在福田口岸等，明熙早到半小時，左顧右盼，在遠處看到母親的身影，即上前挽着母親的手，李母淚水奪眶而出，「你知唔知我擔心咗你七個月喇，頭髮都白晒，瘦咗五磅呀！」明熙將母親一抱入懷：「媽，我冇事，瘦咗七磅之嘛！」
親友對母封鎖驚險事迹
明熙再見母親，隨即帶她飲 茶以表孝子之心。「阿媽，想食咩啊？」李母出門太急，忘了帶老花鏡，明熙替她劃點心紙，但母親只顧愛兒，「叫幾碟碟頭飯，你食唔飽點踩車」，明熙微笑說：「媽，我唔踩單車喇」。席間明熙與親友分享途中經歷，被母親插嘴：「最驚佢俾人打劫，啲賊見到你個窮鬼，你命都冇啊，阿仔」，阿姨將明熙的報道下載，即場給李母看，怎料揭穿明熙竟然隱瞞曾經受傷。
「又俾狗追，又撞車，又病，阿熙，係咪真㗎？」，明熙臉色一沉，無言而對。原來身邊的親友在過去七個月，一直封鎖明熙在旅途上驚險的事迹。「佢只係上載啲靚相，又同我講食好多嘢，原來都係呃人」。李母望着身邊無恙的愛兒，舒口氣說：「如果你再走，我護照都收埋。」
到港後需暫與貓女分離
經過長征之旅，明熙坦言鳥倦知還，已承諾母親不再流浪，留港多陪家人。飲茶後，又用戰車載着母親在福田遊車河，然後再帶母親去飲咖啡。
親友與五十多名網友今早會在落馬洲等明熙過關，進入香港後就要與「蛋撻」分離，將牠交到漁護署檢查，四個月後才可真正「一家團聚」。
李母一邊逗着小貓女，一邊問明熙：「蛋撻點解要坐四個月，可唔可以改做七日啊，到時佢出返嚟認唔到你就陰功啦阿仔。」漁護署回應指，為防狂犬症，所有從內地到香港的貓犬須檢查四個月，其間貓主可在辦公時間探望。