前日傳聞有藝人在徐淑敏老公黃浩經營、位於銅鑼灣的食肆吸毒，黃浩向本報透露有名人、藝人配偶在餐廳VIP房內捲煙草，還有丸、粉狀東西，事件引起全城熱話，昨為Eric Kwok及葉佩雯婚禮做兄弟的陳奕迅謂沒看過報道，他坐車去男家時，還輕鬆地坐在座位跳馬舞。
至於昨日做姊妹的杜如風似甩了一隻牙，對於藝人吸毒傳聞，她說：「冇去過佢間餐廳，絕對唔擔心俾人懷疑吸毒。」何超儀和Eric好友Jerald則扮聽唔到記者提問，影完大合照轉身入場。出席飲宴的官恩娜坦言有睇報道，她說：「希望吸毒嘅人唔好再吸毒，反吸毒搵我啦，自己做完嘢就返屋企，圈內朋友都唔多，唔識亦冇見過圈中人吸毒，對身體唔好嘅嘢唔好做。」
黃浩昨晚到中環出席活動，他說警方已介入及聯絡他：「總之片入面影到有人食丸，可能係食解酒丸，或者唔知做乜，但如果有人喺我度開飯（指吸毒），一定會報警，唔方便講係邊個藝人。」
另外，關淑怡昨忽然在facebook說自己從未吸食過任何毒品，呼籲外間不要在沒求證過之下，將不尊重的言論放在她身上，又說自己不會退讓。
採訪：王崇穎、林嘉慈
攝影：林德雄