今年亞姐賽制亂到九彩，噚日又喺大埔總台搞咗個「港澳特區」淘汰賽，要12位佳麗着三點式介紹自己。2號黃璧安、3號梁綺婷同7號許麗莉pat pat鬆弛，結果都順利入圍。12號黃一晴夾晒胸出現，聯同大熱8號于建茹同10號陳超都出局。
之後評判問佳麗問題，5號齊真晨答得唔錯但只得第二，而4號陳彥蓉，上一上台連問題都冇答，就返咗後台，最後冇啦啦拎咗冠軍，全場啞晒。之後亞視高層葉家寶解畫，話之前心目中已有分數喎。
另外，亞洲先生冠軍朱曉輝逾期居留同被爆曾拍露雀三級片，葉家寶話朱曉輝話冇露過，亦否認亞生有錢收。對於王維基寸亞視零收視，葉家寶死撐：「零收視亞視未發生過，有啲人別有用心。」
撰文：洪紅克
