荷蘭球王告魯夫最近出咗本自傳,仲喺自傳中列出個人心目中嘅最佳陣容,不過現役球員就一個都冇份,前鋒係巴西球王比利夥拍阿根廷嘅馬勒當拿,踢清道夫嘅係德國足球大帝碧根鮑華,而守龍門嘅係「八爪魚」耶辛;喺最佳11人中,最後生嗰個已經係踢中場嘅哥迪奧拿(41歲)!不過告魯夫都有道理,因為好似當今球王美斯及基斯坦奴朗拿度咁,拍落呢啲名宿度,又係差些少喎。