擔正揸「名車」咪以為好巴閉，原來最後又係要黯然離開，迪馬堤奧總算風光過，沒有誰負了誰，老細足球喊公義盞嘥氣？近年「車口」餘生，急流勇退得保清譽，大概只有軒迪克及車仔長年No.2、現領西布朗飛躍嘅主帥奇勒。今天重心，撐西布朗喺早場不敗離開新特蘭嘅光明球場。
職場光怪陸離近年喺車仔見盡凡幾，但好一個目前帶領中下型班打到前4嘅西布朗嘅奇勒，喺同摩帥為車仔打江山年代，贏過兩個英超錦標加另外3盃仔後，在前者07被迫離開後翌季也主動走人，尋求新突破。做副手生涯，跟過古列治、摩帥、蘇拿及杜格利殊，從未坐正過嘅奇勒，季前爆大冷接替鶴臣接任西布朗領隊時，被視為首位被炒領隊嘅次熱；不過班波開季後一直飛躍，奇勒唔止操弗西布朗戰將，相信佢自己喺勤做運動下，鏡頭前清減了幾圈，睇得打得。
佢最厲害係唔同嗰啲大花筒領隊如羅渣士，基本係用晒上手鶴臣留低嘅班底，新加入穩佔正選嘅只有門將賓科士打及免費阿根廷中場工兵耶高比。不只曼聯，西軍其實都有4名當弗前鋒輪流用，更可因對手而打4-2-3-1或4-4-2。據英國《衞報》早幾天評論，奇勒學得摩帥最足嘅係，戰術上要求球員將皮球盡快傳到對手前場，為後防減壓；前線佢就做到小球會嘅簡單實際本色，減少傳送唔信控球指數。西布朗前個禮拜作客贏韋根2:1，控球指數比主隊少一倍；今天早場作客來到硬橋硬馬嘅新特蘭，識避重就輕不會輸蝕。
新特蘭上仗反底作客到富咸欠說服力，只因人多蝦人少，其實中場組織力一般，前線靠晒一個史提芬費查；呢隻黑貓主場已無復當年光明球場時擁菲臘斯拍長人中鋒昆尼嘅威力，今季聯賽4戰只曾勝韋根1:0，對上兩場更交白卷，延續上季末段主場差勁（最後5戰錄得3和2負入2球）嘅走勢。莊家機械式開出主隊少讓勢盛嘅西布朗平/半高水，下盤加冷W可捧。
上輪英超總入球錄得近半年最多入球一周；不過今輪後顧下周中英超快車，勸喜博大波膽波友咪太熱情；例外或會係曼聯迎戰大魚腩嘅昆士柏，就算昆士柏喺賽前炒咗領隊曉士，相信難向費Sir求饒輸少啲，曼聯已逢連敗，今次必精銳盡出，誓搶番曼城嘅榜首位，開到[-2]押好分「主勝」，個人冷選攻埋大波膽。
(下次見報日期：28/11)