【電視風雲】王維基揸弗的城電免費電視台，一直未獲政府發牌，加上無綫和亞視出招阻撓，情況令人擔憂。前晚王維基出席劇集慶功宴，他反駁無綫沒可能不知政府想吸引人搞免費電視台；至於被亞視狂踩兼妖魔化，他嘲笑對方零收視冇殺傷力。
城電旗下免費電視台的劇集《第二人生》，前晚在鯉魚門舉行慶功宴，演員包括劉浩龍和趙學而等出席，揸弗人王維基亦有現身。近日亞視公器私用在節目《微播天下》中狂踩王維基，以反對政府發牌給他們，亞視更在節目中形容王維基是妖魔，對此王維基嘲笑亞視說：「乜佢哋啲節目唔係零收視，應該冇人睇。」王維基強調沒有看不知詳情，他更笑言自己想成仙：「佢哋鍾意點講就點講，大人不記小人過，睇吓佢講係咪事實，否則要負責任。」
寸無綫冇句真
至於政府仍未發牌給他們，王維基形容心情依然想爆，但明白要給時間政府處理。談到無綫亦出招阻撓，王維基寸無綫謂：「佢哋講好多嘢都唔係真，其實自2000年開始，無綫唔使交專營權嘅費用，以往電視台廣告收益嘅9%，大約兩億要畀政府，但政府想開放市場先唔使交，TVB冇可能唔知。」
當日此劇開鏡時劉浩龍（師兄）公開承認和祖兒拍拖，師兄聞言即詐儍扮懵：「唔記得，角色名都唔記得，我好快抽離角色。」此外，師兄昨日到尖沙嘴出席CASH記者會，他憑《髒話阿七》入圍最佳男歌手演繹五強，反而祖兒不入最佳女歌手演繹。
採訪：文國駿、李珮洳
攝影：黃偉雄
