楊玉梅搞飲食十幾年，噚日佢喺尖沙嘴為舖頭宣傳招牌菜式。楊玉梅自爆話好有戲癮：「做咗咁耐飲食，已經冇乜嘢成功感，都係發覺自己鍾意做戲。我啱啱拍完一部美國、中國合拍嘅電影，同一個外籍人士、中文名叫曹操嘅人合作，呢套戲之後會喺香港、內地同美國上映，仲會去參展，戲名係《孖生密碼》，希望可以盡快上畫。」