百厭仔逛商場　頭揳扶手梯

【本報訊】「都係我唔小心，冇拖住個仔！」兩歲男童昨晨偕母到荃灣一商場逛公司，母子由一樓準備乘扶手電梯落地面時，男童「百厭」走到扶手電梯旁，將頭揳入電梯扶手與牆身間的罅隙，動彈不得，嚇得呱呱大哭，母親慌忙報警，消防員到場救出「百厭仔」，他眼臉紅腫送院敷治。

消防救出 眼臉紅腫

受傷兩歲男童姓鄺，在醫院接受治療期間仍驚魂未定，伏在媽媽懷內嚎啕大哭。昨晨10時許，30歲姓周女子拖着兒子到荃灣川龍街88號協和廣場逛街，其間擬由一樓乘扶手電梯落地面，當時周婦未有拖緊兒子，男童走近扶手電梯旁邊，將頭揳入扶手與牆身之間約6吋闊罅隙，惟入得唔出得，男童痛哭，保安員按停電梯，消防員到場撬開扶手救出男童，他右眼角及臉頰紅腫，由母親陪同送院。