澳洲國家隊嘅德國籍教練奧錫，噚日公佈下個月征香港東亞盃外圍賽第2圈嘅25人名單，雖然響歐洲落班嘅球員唔會歸隊，但名單仍有效力過布力般嘅艾馬頓、艾奇湯臣、馬菲賴恩、貝軒治同湯洛積等澳職精英；另外，仲召咗踢俄超莫斯科戴拿模嘅路基韋舒亞，至於最後20個球員名單就要出發賽前先落實，但澳洲以咁強陣容踢今次賽事，目標梗係爭入決賽周啦！