由合唱歌曲 《勾手指尾》開始，鍾一憲（Jason）及麥貝夷便開始以情侶檔形式演出，發展到最近的第四首合唱歌《犯眾憎》，二人工作量比單飛時增加不少，麥貝夷說：「我哋自從合唱開始，接得最多嘅工作就係婚宴表演，我覺得情侶檔已經變成我哋一個icon，既然大家都接受就繼續合作落去。」
Jason和麥貝夷經常出雙入對，麥貝夷的母親都誤以為她真的與Jason拍拖，她笑說：「我阿媽真係好搞笑，過時過節都有叫我帶Jason返嚟食飯。我已經冇乜人追，連屋企人都以為我同佢一齊，相信更加冇人會追我。」
「司機問我破處未」
Jason的遭遇比麥貝夷更慘，因他被誤以為是同志，而且其激凸泳褲照經常被上載到同志網頁，Jason說：「呢件事之後我多咗好多男fans，至於性取向呢單嘢，我覺得澄清完都會有人唔信，所以都費事再講。反而我屋企人有唔開心，問我做乜成日有人討論我『啫啫』。」原來Jason亦曾被同性性騷擾，他說：「試過有個的士司機問我破咗處未，又試過去做完gym冲凉，有人拉開浴簾望住我。」
採訪：李珮洳
攝影：仇志德