香港有唔少天生購物狂，之但係全球最佳嘅Shopping地方究竟係邊度？CNN Travel最近就嚴選咗全球十大最佳購物城市，香港叫得做購物天堂，自然榜上有名啦，排行全球第六。CNN話，香港嘅店舖服務員，出名夠「貼身」，如果你搵唔到啲嘢放喺邊，佢會跟住你直至你搵到為止；如果顧客有乜唔明，香港嘅店員會唔明講到你明。咁有乜地方嘅排名高過香港？答案係包括排第五嘅巴黎，CNN認為佢哋好多舖頭唔係賣衫，而係賣緊Lifestyle；第四位係吉隆坡、第三係倫敦、第二係東京。至於全球最佳購物城市就梗係紐約啦﹗