【記者林賽香報道】有女士到工聯會診所脫牙後出現脷癱，事主質疑牙醫處理失當，用鑿和錘大力撬牙傷及神經線，導致半邊脷麻痹兼失去味覺數月，半年來下顎和頭部劇痛。涉事牙醫卸責稱，此乃病人使用漱口水所致，事主欲索取病歷向牙醫管理委員會投訴，卻被工聯會諸多留難，怒斥：「仲衰過返大陸睇！」
今年4月，41歲的張玲因左下顎一隻大牙崩缺一角，到觀塘工聯會診所看駐診牙醫陳天山，「我想做牙套，佢叫我剝咗佢一了百了」。陳拿起鑿和錘即動手剝牙，「佢喺隻牙四邊又鑿又錘，又用刀撬咗10幾20下」。
牙醫卸責指漱口水問題
麻醉藥消散後，她發現左邊脷麻痹並發紫，失去味覺，即返回診所，「佢話麻醉藥未散晒，叫我耐心等神經線回復」，惟一個月後仍無改善。直至近月始恢復味覺，惟痛楚無減，更激瘦了20磅。
張玲多次到工聯會投訴無果，遂向牙委會求助，但須提供病歷，「我問工聯會攞，佢要我記番邊日睇過醫生，我唔記得覆診日子，佢唔肯畀我，根本係玩我唔想我投訴」。工聯會將她轉介菲臘牙科醫院執手尾，張玲稱，醫生指她神經線受損，「但係唔知邊條神經線有問題，開刀搵有可能令半邊面癱」。
《蘋果》記者以朋友身份陪張玲見陳天山，他稱：「我就住力鑿，日日都係咁同人剝牙，冇出過事。」他承認下顎和頭痛與剝牙有關，「但冇味覺唔關剝牙事，可能係佢用漱口水嘅問題」。
工聯會工人醫療所高級行政主管黃遠歡回應，牙醫有否失誤須交由牙委會裁定，不便評論。正跟進張玲投訴的牙委會重申，病人有權索取病歷。經本報跟進，張女士昨天獲工聯會發出醫療報告，「但我要嘅係每次診症嘅病歷，佢由始至終都唔肯畀我」。
前香港大學牙醫學院助理院長朱祖順直指，剝牙傷舌頭味覺神經十分罕見，用鑿及錘撬走大牙難控制力度，容易傷及神經線，「下巴嘅神經接近牙齒，較容易傷到，舌頭神經距離遠，除非鑿得太深先會傷到味覺神經」。
牙醫區雄安則指出，漱口水或會令舌頭短暫麻痹，但引致長期麻痹和失去味覺機會甚微。