蘋果公司（Apple）股價自推出iPhone 5就一直跌，至最近跌勢才暫時紓緩。有人認為蘋果失去創新能力，產品已經唔再吸引。不過，「蘋果已死」仍言之尚早，因為據美國調查顯示，iPad 仍然係最多美國小童甚至成人想要的電子聖誕禮物。
根據調查機構Nielsen報道，在6-12歲的年齡層中，48%的受訪者想收到iPad做禮物，榮登「我最喜愛的禮物」第一名。更厲害的是第三至五位都落在蘋果手上，分別為iPod Touch、iPad Mini及iPhone。如非任天堂將推出的新遊戲機Wii U搶到第二位，頭四位都清一色是蘋果產品，可見蘋果的「國民教育」做得真好。
不單小朋友想要，13歲以上的受訪者都有21%想收到iPad做禮物，再登上「我最喜愛的禮物」第一名，不過想要「非iPad的平板電腦」做禮物的都有18%，這個皇者地位都危危乎。而想要iPhone做禮物的更只有14%，僅僅高過都要Android 的11%。