【銅鑼灣】喺7月20號生咗囡囡劉心嘅谷祖琳，話咁快就已經收晒身，日前下午五點幾，見佢自己一個人揸住杯咖啡，上咗銅鑼灣世貿中心，原來係去好友吳文忻間美容公司搵佢。
乖女唔黐身
傾咗一陣兩個就一齊去行利園二期嘅嬰兒用品店，見到小谷好細心咁喺度睇衫仔，間中問吓文忻意見，不過最終都係冇收穫走人。
之後記者致電小谷，提到囡囡嘅近況，小谷唔使食自家嘅甜品都甜到入心，佢話：「劉心已經四個月，所以都開始要準備做嘢，最近小甜谷準備開第三間分店，遲吓又幫思覺失調學會搞籌款活動，好在劉心好乖唔太黐身，如果要做嘢就由奶奶幫手湊都搞得掂。」不過始終劉心仍然係細，所以小谷暫時都唔會拍戲或者離開香港太耐。
採訪：丁寧
攝影：陳俊強
