上咗市十幾年嘅九洲發展（908），知名度低到冇朋友，散戶驟眼睇仲可能誤以為佢係日本九州個friend，查實此洲不同彼州，九洲喺珠海，公司為咗凸出佢哋喺珠海搞海上客運同港口業務呢個重點，噚日宣佈計劃「正名」為珠海控股。
八年內第二次改名
公司98年上市時叫珠光發展，04年先改名九洲發展，八年後又話再改，究竟易名對九洲嘅知名度、業務發展同股價有冇幫助？暫時唔識講。
但其實公司一直有動作，好似今年4月時話收購高爾夫球場，上月中又將旗下珠海主題公司──圓明新園變成免費入場，可惜市場對呢啲古仔興趣唔大，冇乜反應。