【特稿】
面對政府發新免費電視牌照，TVB早前一直以「歡迎競爭」作回應，今年卻忽然高調反擊，業界人士分析，新股東「殼王」陳國強（圖）及台灣女首富王雪紅去年真金白銀入主，眼見利益受損，冇理由坐以待斃。
早於「方逸華管治」年代的TVB，並冇對發新牌照有任何意見，「一直方小姐都冇出聲，可能佢知道遲早都係要賣盤，所以無謂講咁多。」一名TVB前高層表示，事實上TVB今年中開始發表的「無增長論」，以至近日提出2015年始發牌的建議，均反映TVB終於嚴陣以待，「就當陳國強、王雪紅真係唔會參與TVB日常運作，但睇到王維基來勢洶洶，點都要問班管理層點樣應對，管理層冇理由唔做嘢。」
TVB去年1月正式由陳國強牽頭組成的財團（包括王雪紅及另一基金股東）入主，交易總代價約80至90億元，留用管理層，主席亦繼續由創辦人邵逸夫擔任，方逸華亦繼續出任公司副主席及董事總經理職務，兩人分別於去年底及今年3月才正式「撤退」。
《蘋果》記者