【本報訊】德銀上周發表報告指新世界（017）賣樓步伐慢，「踩」主席鄭家純帶領嘅新班子「執行能力未如預期」，鄭家純長子、即集團執行董事兼聯席總經理鄭志剛昨首次公開「還擊」，強調近期售樓成績較預期佳，「我覺得每一個證券商都有自己既觀點，唔可以單單係一兩個證券商嘅觀點，而釐定究竟你嘅預期係咪一樣！」
大陸買家佔10至15%
鄭志剛昨於新世界股東會後，首度開腔就德銀報告回應。他說：「到呢一刻，仲係符合計劃（賣樓），比我哋預期係好嘅，步伐都冇減慢。」再被追問公司被券商睇淡時，鄭志剛更氣定神閒地指，「其實好多券商都覺得我哋比預期好」，並表示不同券商都有不同預期，情況好正常。
他又說：「其實目前（7月至今）已經賣咗50幾億樓，大陸人買我哋樓冇少到，仲佔10至15%，明年又有6個樓盤推出，唔會減慢賣樓步伐，公司都會繼續優化商業資產，預期明年租金收入會再升10至14%。」
今年3月第二次重掌新世界帥印的鄭家純，曾豪言要重奪香港地產「一哥」寶座，不過，德銀上周的報告指出，新世界樓盤銷售方面未乎合外界預期，更大削其目標價兩成。
當時新世界發言人向本報表示，集團正「就報告內容與有關證券行了解」。
自從政府推出買家印花稅（BSD）及加強賣家印花稅（SSD）後，各地產商都埋怨政府出招太狠，鄭志剛亦認為BSD對集團售樓有影響，而且指引不夠清晰，「我哋仲要時間去觀察條例，我覺得一刀切唔係幾好，因為揸公司嘅人未必係去炒樓，有啲真係有需求，而且對舊樓收購，會影響埋個供應問題！」
對於樓市方面，他表示會持審慎樂觀態度，但對明年走勢則表示「好難講！」