43歲江美儀喺《名媛望族》做松哥三奶，靠黑絲擄住男人心。不過戲中最後還是出現咗四奶楊怡同五奶JJ賈曉晨。
現實中，江美儀都要諗諗計。昨日有報道指，同佢拍拖7年嘅男友吳君祥、即係吳君如細佬，原來成日趁住黑絲儀唔喺香港就耍耍滾，仲喺銅鑼灣有個私竇酒吧，帶女作樂。今次又趁黑絲儀去咗法國拍《衝上雲霄2》，暗嗒重口味37歲台灣話題女王嚴淑明。兩人日前又相約銅鑼灣，拉埋兩個疑似負責把風嘅友人食飯。吳君祥不避嫌當眾餵嚴淑明，兩人互相調笑，之後吳君祥帶嚴淑明上酒吧鐵竇，幾杯到肚手腳開始「唔規矩」。未幾吳君祥發現有記者偷拍，即轉入VIP房，玩至凌晨兩點借故前後腳分頭走。