【拆局】
中央政策組首席顧問邵善波表明要全面擴權，將中策組變成特首梁振英的「中宣部」及「組織部」，直接抓意識形態及政治任命工作。據知，梁振英及邵善波所為不只引來政界反彈，連公務員亦感不安，擔心梁將中策組變成他的「書記處」、「軍機處」，繞過政府正常機制，執行公務員不願執行的政治任務。
只問是否「梁粉」
有資深公務員指，政府內部早有一套行之有效的委任制度，原則上民政事務局負責統籌諮詢委員會的「人才庫」，實際人選由各司局長決定，「除非任命嘅係泛民嘅人，否則特首唔會點過問」。現在梁振英要求中策組顧問高靜芝插手這些任命工作，等同改變以往諮詢委員會任命方式，「喺原有制度上面又加多一層」。
即使邵善波表明高只會提供意見，不會推薦人選，但該資深公務員指高有特首撐腰，「如果佢畀啲名我哋，話要任命呢啲人，作為官員、特別係問責官員，未必個個可以拒絕」，到時要做政府諮詢委員會成員，「就會變成只問出身係咪梁粉，而唔係呢個人係咪熟悉有關事務、幫唔幫到政府。」
另一政界人士更稱，不少公務員向他反映，今次梁容許中策組擴權只是一個開始，日後中策組權力會越來越大，甚至變成梁的私人「書記處」、「軍機處」。
「做番董生做嘅嘢」
梁要做某些公務員不願執行的政治任務，又或要打擊、拉攏某些人士，就可以由中策組出手，繞過政府正常機制去完成「政治任務」，「呢個唔係危言聳聽，當年特首董建華就係搵佢個特別助理路祥安，干預港大民調；梁振英只係做番董生做嘅嘢，仲唔係用一個特別助理，而係用成個中策組去做。」
《蘋果》記者